Sommerlager 2019

Hopscheltschaage

 

 

 

 Schnell wit wäg vom Bönzlitom ?

 Denn reis met üs is Heldetom !

Eine kleine Zusammenfassung unserer Lagertage finden Sie täglich in der Luzerner Zeitung oder hier.


Samstag 20.07.2019

 

 

 

Gweckt worde semmer met Musig us Lozärn,

dorom packed ond potzed mer üses Lagerhuus in Bärn.

 

Well üsi heissi Spur vom Tell,

leitet üs noch Lozärn ganz schnell.

 

Met vell Musig, Lagerlied ond Gsang,

stärked mer no üse Teamgeist ond Klang.

 

In Littau hemmer de Tell oh Schrek,

gfonde i de Habsburger erem Versteck.

 

Jetzt semmer glöcklech ond fendeds so toll,

deswege freued mer üs scho jetzt ufs nöchste mol.


Freitag 19.07.2019

 

Bimene Buur semmer glandet z'metzt im Öpfelfäld,

denn a cho im Thurgau semmer ohni Gäld.

 

Üsi Boukönscht hemmer mösse zeige,

denn bem Völki spelsch im Team, ned alleige.

 

Am nomi hemmer de Buur mösse verarzte,
denn am Fuess hed er ned gha nor en Warze.

 

Im Thurgau esch s'Ärdbeertörtli s'grösti,

doch be üs heds höt gä en feini Rösti.

 

Üses Härz schlod för de Thurgau, för de Bodesee ond meh,

för all die schöne Gschechte wo jede Tag chasch gse,

                                                                                                         

för Mensche met Visione ond för alli wo set Chend,

jede Tag vo Härze stolzi Thurgauer send. <3



Donnerstag 18.07.2019

 

 

 

Früeh gweckt worde semmer am Morge,

ond hend trotzdem ned vell Zit gha förs z'Morge.

 

Met em Postauto gods dorab,

ond das esch gange ganz glatt.

 

De Wäg hed üs zeigt d' Fahne,

ond mängisch au gsiblet met vollem Hahne.

 

Noch längerer Wanderstrecki,

semmer gspronge is Becki.

 

Üsi hötig Videobotschaft esch abverheit,

deför send bim Felm luege allne d' Auge zuegheit.

 



Mittwoch 17.07.2019

Bienvenue à Fribourg!

 

Nasch einem heftischen Kampf mitten in der Nascht,

sind wir heute matin top fit erwascht.

 

Après gemütlichem Spiel am Morgen

mit Bieberbande, Uno oder ville ,pays et rivière sind vergessen die nächschtlichen Sorgen.

 

Dosch das nächste Hindernis liess pas longtemps auf sisch warten.

Ein Spion a été dans notre Garten.

 

Er liess nischt locker und brasch in unser Haus

Von Schlag zu Schlag geriet tous in Saus und Braus.

 

Verhindern wollte er uns an die Hinweise zu gelangen.

Doch dieser Baguette boulanger konnten wir nun fangen.

 

Pardon pour notre langue

mais nous ne parlons pas bien allemande.



Dienstag 16.07.2019

 

 

Vom schlechte Gwösse blogt,

hend sech d'Leiter höt weder zrog gwogt.

 

Ond scho es witer gange im Zörcherland,

wo mer d'Flage gfonde hend ond etz hänkt ade Wand.

 

Wasserspeli hemmer gmacht, 

während dem im schöne Wetter ganz vell glacht.

 

Am Obig alli gmeinsam am Lagerfür gsesse,

ond debi Marshmallows gässe.

 

Well mer no kei Hiwis hend gfonde,

hemmer ide Nacht mösse sprenge üsi Ronde.



Montag 15.07.2019

 

 

D'Leiter hend de Stick verlore,

drom hend sie sech ganz schnell verzoge.

 

Die Ältischte hends Kommando öberno,

drom heds scho ganz früeh am Morge ahgfo.

 

D'Schueh send nömme ome gsi,

den semmer sie go sueche ganz gli,

 

D'Aargauer hends üs gstohle,

drom hemmer sie mösse zrog hole.

 

Met Spel ond Spass esch's witer gange,

d'Habsborger hemmer noni chönne fange.

 

Bem Fightgame am Obe hemmer de zwöiti Stick gfonde,

das esch üs denn aber ganz guet glonge.

 

Ohni d' Leiter schaffemers ned,

das wär jo ganz verchert wenn mer oni si de tell mösstet fende.



Sonntag 14.07.2019

 

 

 

Met gueter Gotthardmusig semmer im Tessin worde gweckt,

ond de Brunch esch gsi ganz vereckt.

 

D Kantonsflagge hemmer becho,

bim Fallschermsprenge in Tenero.

 

Före Tell kämpfed mer ganz fest,

drom gömmer uf Lugano as Tanzfest!

 

Om met em Waschbär öber eusi Talent nochezdänke,

dömmer Bändeli chnöpfe ond verschänke.

 

Do d Chend eifach z langsam send bim sueche,

mönd d Leiterinne morn s halt elei versueche!



Samstag 13.07.2019

 

 

 

 

 

Met Löffle semmer gweckt worde,

doch das hed üs üse Morge ned verdorbe.

 

Uf de Wäg gmacht hemmer üs wie de Bletz,

aber de Alpabzog esch üs scho defo gfletzt.

 

Anschienend hed de Tell usgseh wie ehn Chueh,

aber mer glaubed d'Appezäller hend eri Auge zue.

 

Uf de Beautyobe hemmer lang mösse plange,

drom chömmer üs jetzt ändlech entspanne.



Freitag 12.07.2019

 

 

 

 

 

 

Acho im schöne Böndnerland,

hemmer gmerkt, es hed nome Wiese ond Wald.

 

Näbe Alperose, Bäch ond Bärge,

hemmer üs scho chli gfühlt wie Zwärge.

 

Uf ond ab eschs de ganzi Tag gange,

doch de Tell hemmer weder ned chönne fange.

 

De Habsburger semmer scho decht uf de Färse,

doch das raubt üs fascht alli Närve.



Donnerstag 11.07.2019

 

 

 

 

Met Jodelmusig semmer im Wallis verwachet,

doch de Chend esch vergange ehres Lache.

 

Sie hend geg d’Leiter bim Völkiturnier verlore,

ond send drom trurig bes öber beidi Ohre.

 

De  nöchsti Hiwiis mönd mer eus erchaufe,

well mer ned wend ohni Tell falsch laufe.

 

Met Massage, Frisure ond nem Kiosk Agebot

hemmer das Geld verdient ganz flott.

 

Müed ond kapott send eusi Zwerge

ond freued sech scho uf Böndner Berge.



Mittwoch 10.07.2019

 

 

 

Acho semmer in Basel met vell Krach,
vo de Leiterinne met de Piccolos gweckt z'wärden macht eifach wach.

 

Fuessballspele wie bem FCB oder es Schnetzelbankrenne,
veli neui Sache hemmer lehre kenne.

 

Sträng eschs gsi ond vell hemmer gä,
aber d'Freud am Lager hemmer üs ned loh nä.

 

Denn das metem Tell, das esch so en sach,

er esch au ned do, das fendet mehr schwach.

 

De Tell hemmer in Basel ned gfonde,
velecht esch er aber doch eher im Wallis onde.



Dienstag 09.07.2019

 

 

 

In Obwalde und Nidwalde glandet,

hemmer witer nachem Wilhelm Tell gfahndet.

 

Us üsem Versteck hemmer vell welle mache,

ond das hemmer gschafft met ganz vell lache.

 

De Strit zwosche de Tschifeler ond Reissäckler,

god üs allne uf de Wecker.

 

Meys deys im mattei seis,

Obsi, Netzi, vo Älplermaggrone wärdemer alli feiss.

 

In Obwalde ond Nedwalde esch de Tell doch ned gsi,

drom lueged mer jetzt mol in Basel verbi.



Montag 08.07.2019

 

 

Mer hend ganz fröhlech s Tanzbei gschwonge,

ond hend ganz veli Lieder gsonge.

 

S Walterli esch aber am Bode zerdröckt,

 well de Tell esch onfreiwillig zo de Habsburger gröckt.

 

Üses beschte hemmer bim Gletscherdecke ond bi de Schlacht vo Albedo gäh,

damet mer de Hiwiis chönd näh.

 

Mer hend üs met ehm Rütlischwur gege d Habsburger verschwört,

damet de Tell üs weder ghört.

 

In Uri hemmer de Tell aber ned gfonde,

Drom verbrenged mer in Obwalde no meh Stonde.