Sommerlager 2023 Viadukt Academy

Ufgstande semmer scho glii

ond packt hemmer alles met Musig de bii. 

Blitz Plank gsed alles uus, 

drom verlömmer jetzt s Lagerhuus. 

Bergün hemmer ned welle verloo,

drom hed üs de Car im Stech gloo.

Alli send met ehm Diplom uszeichnet worde,

do hed au de Carfahrer üsi Luune ned verdorbe. 

Im Car ond z Littau hemmer ganz vell Gsonge,

bevor mer de alli zo üsne Eltere send gspronge. 

Jetzt esch das super tolle Lager verbii,

die Ziit esch eifach onvergässlech gsii.

Am Spelturnier höt Morge hend alli starch met gmacht, 

das hed denn mol rechtig kracht. 

S'legste mol semmer höt i de AGs ghocked 

und debi hemmer alles grocket.

Mer hend de Barometer endlech metem ganze Sand chönne fölle 

und alles scho packt bes uf de Schlofsack i sini Hölle.

D'Olympiade hemmer gwonne,

drom hemmer eus am Obe usepotzt wie d'Strahle vo de Sonne. 

Uf de Fuessball Wiise,

hemmer üs im Völkerball chönne bewiise.

Mer send ufgno worde id Völkerball Olympiade

ond hend am Nommitag kämpft om jede Fade.

Im Popcorn Fightgame hemmer alles gäh,

de Triumpf lömmer üs ned loh näh.

Ehn Wasserschlacht hemmer gmacht

ond debii hend alli sehr fescht glacht.

Am Obe hemmer Liedli gsonde oms Lagerfüür,

dör die veli Popcorn esch de Itritt zom Abschlossball zom Glöck nömm so tüür. 

Verrockt esch hött Morge gsi d'Schuelleitig, 

denn d'Leistig vo de Leiterinne esch schlächt, ganz eidütig. 

Us dem Grond send de d'Leiterinne gange,

zom Glöck händ d'Meitschi sie weder gfange. 

Debi händ sie mösse chli Sport Sache mache

ond au s'Gewtter heds loh krache. 

Am Nomitag hämmer glehrt en Berliner ufstelle

ond üs Sache öber Blache ond Chnöpf chönne verzelle. 

S'Lagerlied send alli fliessig am senge,

                                                                                                                        werd ächt üs das fliessige Übe en Belohnig brenge?

                                                                                                                        Was mer am Obe möched stod no ih de Stärne,

                                                                                                                        äntwäder send mer Dosse oder im Schärme. 

                                                                                                                        Hoffentlech gsed s'Internatskomitee das mer üs ahstränged

                                                                                                                        ond üs die rästlech Zit zom Sand sammle länged. 

Leiter hend höt mösse weg go

well öper hed üs de Sand weg gno.

Die Ältischte hend sofort öberno

Ond d Meidschi gweckt ond zom Morgesport medgno.

Am Morge hend sech d Chend i  Ballsportarte mösse bewiese,

uf de grosse Spelwise.

Am Nomi geds en Wasserschlacht,

det hend alli sehr guet medgmacht.

Send d Wasserballön bis obe voll 

fended das alli Meidli toll!

Witer gohds nach em Znacht,

mer hend Yoga, Peelings ond Massage gmacht.

Sand hemmer höt au no gwonne,

de Tag esch also sehr guet glonge.

Gstartet hemmer am Morge met de Groppestonde,

debi hend velli eres versteckte Moltalänt gfonde.

De Nomitag hemmer ih de Badi verbrocht,

d'Sonne hemmer det gnosse ih erere ganze Pracht.

Dank es paar Eltere hämmer döffe es Glace ässe,

das wärdet mer so schnell ned vergässe.

Üse blau Sand esch üs gstohle worde,

drom mömer etz ganz schnell s'Lösegäld bsorge.

Velli Ahgebot heds am Wertschaftsobe gäh,

                                                                                                                        drom hemmer chönne s'Lösegäld ih näh.

                                                                                                                        De Sand hemmer nonig zrog becho,

                                                                                                                        drom mönd d'Leiterinne s'Hus verlo.

De Sonntig das esch de bescht,

Becho hemmer ganz vell Gäscht.

Brunchen esch fantastisch,

Glo ond d'Melissa send eifach bombastisch ;)

Schaffe i de verschedene Arbetsgroppe,

jedi vo dene esch ehn super Troppe.

De Naturspielplatz forderet muet,

das tut secher allne Chend guet.

Die ersti Woche hemmer hender üs,

Wäge dem gsehd d'Chochi mängisch es paar Müs.

                                                                                                                                                                                                                                  So jetzt hemmer nüt zom verzelle meh,

das eschs vo eus gseh.

De Morge hed ahgfange met chli Sport,

d‘Wärmi hemmer gnosse vor Ort.

Gomped semmer vell öbers Seili,

omgheit esch zom Glöck aber keini.

Am Nomi hemmer üse Schuelball gha,

ometanzed hemmer met grossem Hurra

Am Obe esch bached ond bastlet worde i de Groppestonde, doch ergendwie send die Ältiste verschwonde

Zwöi Groppe händ döffe schlofe ih de Tornhalle, 

das hed ehne super gfalle. 

 Sie händ alli packt ehri sebe Sache, 

ond send witerglofe met em ne grosse Lache. 

Die Jöngste händ im Bahnmuseum öbis öber die Rhätischi Bahn erfahre, 

Warne chönd sie üs etze met ehrne Trillerpfife vor allne Gfahre. 

Au die Ältische send etze vo St. Moritz weder zrog, 

för das händ sie döffe näh de Zog. 

Jedi Groppe hed förs z'Vieri döffe en Coup zämestelle, 

so mänge chönt mer so im Restaurant ned bstelle. 

Am Obe hämmers üs alli gmüetlech gmacht

ond en Felm gluegt bevors esch worde Nacht. 

Gschlofe händ zwöi Groppe im sechere Lagerhus, 

nor die Jöngste händ ke Angst vor Gwetter ond de Mus. 

Betzli länger händ alli döffe schlofe dank ehm Räge, 

ond händ sech de gmacht of ehri Wäge. 

Gwandered send de alli öber Stock ond Stei, 

ond schlofe dued hött niemert dehei.

Entspanne in St. Moritz hed ei Groppe chönne, 

die andere zeiged ih de Tornhalle ehres Könne. 

D'Zeichnigskönst händ die Öberblebne im Lagerhus zeigt, 

ond no so mängi Ronde im Dog-Tunnier dreit. 

                                                                                                                        Hoffentlech händ alli öbis met erne Highlights chöne ahfoh,

                                                                                                                        denn met läre Händ muess niemert zrog cho. 

Üsi Gsangskönscht hämmer höt Morge scho zeigt 

ond üs alli vor de Sina verneigt. 

Das betzli Räge haltet üs vom Rocksackpacke ned ab, 

drom hämmer Tschüss gseid de drü Groppe chorz ond knapp. 

Die Ältischte send gwandered öber de Pass ond händ velles gseh, 

onder anderem de einti oder anderi See. 

Trotz ehm Gwetter ih de Nacht, 

händ sech die Mettlere of de Wäg id Badi gmacht. 

Die Jöngste händ so mängi Tierli entdeckt, 

das hed grad ehres Interässi gweckt. 

Es esch nonig secher ob mer am Obe schlofed im Zält, 

aber go Chrömle gömmer secher met üsem Gäld. 

Gweckt hemmer d‘Chend noch de erschte Nacht, 

do hend au scho die erschte glacht.

Ih de AG‘s semmer versonke,

ond die vom Sport händ nochhär chli gstonke.

D‘Schüelerzitigsgroppe esch kreativ worde, 

aber de Tanzgroppe verteiled mer no kei Orde.

Bem Dodgball send alli voll debi,

leider esch d'Bewärtig vo de Schuelleitig nonig verbi.

Gfightet hemmer alli om Farbe,

zom Glöck hemmer devo kei Narbe.

                                                                                                                        Packt hemmer üse Rocksack ganz schnell, 

                                                                                                                        etz mömer norno warte bes es weder esch hell.

Met em Sola hemer gstartet,

mer hend scho lang druf gwartet.

D Stafette hemer absolviert 

ond ganz schnell kapiert.

Am Obe luege mer d Regle a

ond haltet üs au fescht dra.