Sommerlager 2022                                          "Cudech di Memoria"

Ändlech gots is euses Sommerlager los,

doch leider hemmer kei Erinnerige as Blauring meh gross.

De ersti Hiwis för eusi Reis,

hed eus zeigt s'rechtige Gleis.

Einige hemmer eus ned chönne uf eis Ziel,

drom folgt jedi Altersgroppe imne andere Pfil.

Minigolf, Bade, Zoo ond vell meh, 

aber d'Erinnerigsbüecher hämmer nonig gseh.

E Onterkonft für die Nacht dömmer eus borge,

wos morn döre god wösse mer noni, das macht eus aber au kei sorge.

Well üsi Wanderig vom erste Tag no bes is Lagerhus go mues,

möched mer üs of de Wäg ond das z Fuess.

Met Sonneschiin verschlods eus of Sedrun,

paar send debi worde Rot ond anderi Brun. 

Duschi im Huus hemmer alli gnosse,

debi esch vell Wasser gflosse. 

D Chochi hed üs met emene Feine Znacht verwöhnt,

debi hemmer si jo noni mol werkli könnt. 

Förs Kennerlere hemmer gmacht es grosses Bingo,

ond debi usegfonde de Seraina eres Lieblingstier esch e Flamingo.

Scho gli send alli i Schlofsäck gange,

ond blibet i erne Träum verfange.

I de Wält vom Aschenbrödel semmer verwachet,

ond hend scho ganz monter glachet. 

Mer hend Lupene, Detektivuswiis ond Notizblöckli gstaltet am Morge, 

aber de Drohbrief dä Macht üs Sorge.

Drom bereitet mer üs of de Notfall vor,

de semmer parat för jedi Gfohr. 

S Popcorn mache hed üs vell Spass bereitet,  

deför hemmer vell gfightet.                      

Es wiiters Rätsel wemmer am Obe verstoh,

för das dömmer d Cherzli lo brönne loh.

De Tag hed gestartet met Steiziit Musig,

Am Morge esch de Juri üse Lagerhond au so schnusig.

Am 9.30 hed s'Spielturnier gstartet ufem Platz,

gepellt hemmer Knochewerfe, Mammutfellvolley ond Beerenschnapp ratz fatz.

Gmüetlechi Groppestonde hemmer gnosse,

ond bim Rätselöse send veli Idee gsprosse.

Gefehlt hed üs es Rätselstöck,

das hed üs no brocht ehn frönde Maa zom Glöck.

Öber d'Sterne hemmer veles glehrt ond gseh i de Nacht,

drom hemmer üs met hellen Sternebilder im Kopf is Bett gmacht.

Metere Tanzilag semmer ih Tag gstartet,

ond bes de Hond ufghört hed bälle hemmer lang gwartet.

Bem Völkiturnier hemmer üses beste gäh,

ond hend üs debi de Spass ned loh näh.

Am Nomitag hemmer üses Tanzbei gschwonge,

und spöter am Lagerfür üsi Lagerlieder gsonge. 

Mer hend üse IQ ahand vo Rätsel gmässe,

ond es leckeres Chili con Carne gässe.

Am Morge hemmer Kartekond gha, 

damet mer am Nomittag d’ Leiterinne bi de Leiterjagd ganz gschwend chönd ha. 

Scharföteli hemmer gmacht ganz schnell, 

ond d’Sonne schiint wiiterhin ganz grell. 

Förs Rätsel mömmer höt Obe vell Geld verdiene, 

drom dömmer üs met Massage, Frisure ond Handpeeling diene. 

Well mer no keis Rätsel hend gfonde, 

hemmer i de Nacht mösse sprenge üsi Ronde. 

Noch ehm Fightgame hemmer s’Rätsel chönne löse,

ond de semmer alli weder schnell go döse. 

In Ägypte semmer gstranded öber Nacht,

ond Chochi hed eus es super z’Morge gmacht. 

Zemmer ufrume ond Speli spele ghört au dezue, 

ond de Juri ged denn bald au mol rueh.

Met de Cleopatra semmer zämme i Spa,

ond so hemmer au en schöne ond entspannte Sonntig am Badesee gha.

Met guete Tipps zum Glöck,

hemmer euses Dessert am Obe verdröckt. 

D’Leiterinne send scho früeh usem huus,

drom chömed die Ältischte ned ganz drus. 

Chorzerhand öbernähmid sie d’leitig,

ond Hans im Glöck speled mer drom ganz fliessig. 

Morgesport gehd ganz warm,

drom hed en Wasserschlacht am Nomitag au ere Charme. 

Abschliesse dömmer de Tag mit Beauty,

s‘motto för de nöchschti Tag esch „back on duty“.

Z'nacht händ d leiter en hiwiss becho,

met dem mer schnell zom Kolumbus send cho.

A üsere Zämmearbet händ mer gschaffet,

somet send mer för d Schefffahrt gwaffnet.

D rätsel im spellturnier erspellt händ mer,

das freut de Kolumbus ond üs sehr. 

Vom rätsel händ mer weder de zahlecode usegfonde,

ond somet s schächteli göffnet donde.

De obe händ mer i de groppe loh usklenge loh,

damet mer morn weder früh möged ufstoh.

Am Morge semmer acho bi de Gebrüeder Grimm,

mit Speli spele fendemer das aber gar ned schlemm.

En Helferuef bechömmemer vo de Frau Hohle,

als Helf bruchts Wasserspeli ganz tolle.

Im Crashkurs lehred mer Pioniertechnik met vell Schnuf,

weli Groppe baut s`Beschte Zält uf?

Als Abschuss geds es Märli im Zält,

s`Bettmümpferli helft gäg Heimweh of de ganz Wält.

Am Morge frühe semmer ufgwached im Labor,

zom Glöck hämmer packed am Tag devor.

Zom ufego hämmer döffe s’Loftseilbähndli näh

Ond üs s’schöne Näbelmeer gäh.

Gwandered semmer öber Stock ond Stei,

Velecht gspöred mer de Moskelkater no dehei.

Noch dem mer im Hallebad send go meditiere,

Hämmer im Labor no mösse experimentiere.

Am Schloss hämmer s’Rätsel löse chöne,

somet hämmer üs döffe Popcorn bim Film gönne. 

Am morge send mer bi de drüKönige ufgwacht,

ond händ üs met ehne of e Wäg gmacht. 

Kämpft om Farbe ond Pinsel im Fightgame händ mer,

so freued sech Könige of üsi Belder so sehr. 

Am Nomitag händ mer Stafette gmacht,

det händ mer zämme glacht. 

Üsi Erennerigsbücher händ mer zrog becho,

de send alli as fäst cho.

Am Morge semmer frühe ufgstande bi Räge ond Wend,

de hämmer zämepackt alles ganz gschwend.

Potzt hämmer ganz fliessig ond schnell,

Egal ob Duschi, Zemmer oder au s’Gstell.

Ihglade hämmer üses Material und Gepäck ih Car,

mer wärdet s’Camp Salins vermesse, das esch klar!

Lutstark hämmer s’Lagerlied no paar mol im Car gsonge,

das mers händ chönne vorsinge vor de Eltere, hei hed au das guet klonge!