Sommerlager "Farbenpower"

De letzi Tag esch ahbroche,

Do hemmer üs grad im Schlofsack verchorche.

Met de Zahnradbahn de Bärg doruf,

Dass raubt üs ned de Schnuuf.

Steil dorab met de Monsterttotti,

Denn mer send alles ganz flotti.

Alli Farbe hemmer gfonde,

Deför brucht hemmer velli Stonde.

Met ehm Holi Gaudy esch es för das Johr verbi,

Mer hoffid er send au nöchst Johr weder debi.

Yeah, d' Leiterinne send weder zrogg, sogar metem Rocksack onder de Brogg.

En Leiterinnenjad dörs Dorf hemmer gmacht am Morge, das nasse Wätter hed us debi gmacht keit Sorge.

Üsi wisse T-Shirts hemmer farbig gmacht ond den heds au scho gli Fajitas gäh zom z'Nacht.

De Bonti Obe esch weder es Highlight gsi, doch leider bedütet das: S'Lager esch scho bald verbi.

Ih dere Nacht muess niemert schlofe, mer hoffed d'Chend dönd sech demet ned selber bestrofe. 

Wäge Striit zwösche Leiterinne ond Chend,

Send si gange ganz ganz gschwend.

Am drüü e de Nacht hend die Ältischte vell Krach gmacht,

Ufschtoh hemmer müesse zom för üsi „Fulheit“ büesse.

Völlig kaputt ond ohni Chraft,

Hemmer die Sportsession doch no gschafft.

Met Stafette ond Fightgames esch‘s am Tag denn wiiter gange, 

So hemmer chönne Orange doch no fange.

En entspannte Obe hemmer üs denn gmacht,

Ond no ganz vell glacht.

Dör es Päckli hemmer Höt en witeri Farb becho,

d‘Leiter hend üs die aber zerst weg gnoh.

Sie hend welle das mer kämpfe chönd,

demit sie üs wedermol ad Tafele lönd.

Am Nomi hemmer d’Zit för alli Altergroppe gnosse

debi send dosse grossi Regetröpfli gflosse.

Nochere feine Lasagne zom Znacht

hemmer agfange tanze bes tüf id Nacht.

Alli hend eri Tanzkönst onter bewis gstellt,

das hed grad üses Herze erhellt.

Wegem farbige Schimmere i de Nacht,

hemmer eus am nögste Tag direkt ufe Weg gmacht. 

De Ufstieg is Brunni esch üs sehr glunge,

drom händ mer vell Spass gha und vell gsunge. 

Streng eschs gsie,

doch mer wäred grad weder debi.

Dobe acho hemmer de Globine eri Fläschepost gfonde,

und us dem Grond au d'Schatzsuechi sehr guet öberwonde.

Am Ziel händ mer denn die gälb Farb entdeckt

und de Farbedieb grad verschreckt.

Als Belohnig hemmer eus denn no öppis guets doh

und üs bim Kneipe am Härzlisee verwöhne loh.

Am Obe hämmer schön am Für gsonge,

S'Lagerlied esch eus au sehr guet glonge.

Die ersti Nacht im Lagerhuus,

hed üs brocht de langersehnti Pfuus.

Vom Fuessballtor hemmer eis potzt becho,

das hed üs de Spass am Spieltunier doch ned gno!

Zom Z Mittag hemmer Älplermagrone gässe,

debi semmer fascht uf üsi gfondnigi Frab gsässe.

Zält stelle, Rocksack packe hemmer am Nomitag glehrt, 

debi hend veli s Zält ufgstellt verchert.

Met Yoga hemmer üsi inneri Metti gfonde,

ond möched üs no es paar schöni Beautystonde.

Verschücht vo de Chatz, 

Hämmer de Zog gno Razt Fatz.

In Engelberg semmer ih de Groppe zäme gsee,

Händ verschedeni Sache gmacht, sogar blaue Tee. 

Juhui mer händ is Lagerhus chönne, 

Drom hämmer üs Mah-Meh zom z'Nacht möge gönne.

Is Bett semmer nonig gange,

Denn mer händ no mösse om d'Farb bange. 

Gfonde hämmer si bim Cherzli usblose, 

Etz chömmer äntlech go Träumli lose. 

Am Morge eschs ändlech losgange, 

denn mer send emmerno ih üsere schwarz-wiss Wält gfange.

Uf de Wäg gmacht hemmer üs ih de Altersgroppe,

zom z'Nacht heds gäh Soppe.

Met ehm Scheff öber de See, 

hemmer ganz vell Frösch gseh.

Öbernachtet hemmer bem Buur,

d Farb hemmer gfonde ih de Muur.

Grusigi Wörm ond ehn stenkende Doft hend üs ih schlof begleitet, 

dass hed üs vo Grafeort wägverleitet.